Umaleht-ee

Ma kuuli raadiost, et putõ liivatahas vai murõtainas om nüüd ümbre nimmat õnnõtainas. Või-olla oll’ õkva hää mõtõ murõ üteh putõ piirakuga är süvvä, sõs jääs õnn alalõ. A ku õnnõ är süüt…  Vai tulõ asja kaia tõistpite: et olõt tuu, midä süüt? Sõs võissi tetä terve ria Õnnõ-nimelist söögikraami, nigu omma Hüvä märgiga toodusõ. Õnnõ leib ja nisuvatsk omma jo ammutsõst aost poodist saia. Panõmi mano Õnnõ piimä ja vorsti, ni saagi kõtu õnnõsüüki täüs. Tävvelidsest õnnõst jääs puudu õnnõ Õnnõ pehme kemmergupapõr. The post Muda Mari pajatus. Õnnõ inämb õnnõ appeared first on UMA Leht.

18. piimäkuu pääväl kell 18 oll’ Kandlõ aid ilosat õdagut uutman. Päiv paistu, ilm oll’ suvinõ, inemise pidurõivan, kõokõsõ ja lilli lava veeren ja 18 vahtsõt võrokiilset latsilaulu tahtsõ lava päält ilma sündüdä. Tuu, et suurõ inemise kongi iks võro keelen laulva, ei olõ inämb üllätüs. Hää omgi, tuu pidänügi joba harilik olõma, loomuperäne elo osa Vanal Võromaal vähämbält. Tuu, et terve kontsõrt saa tettü õnnõ võrokeelitsist latsilaulõst, viil nii harilik ei olõ. Sõski võinu, tuuperäst, et Võrol Kandlõ aian olnu kontsõrt «Rõõmsa lats» oll’ nii illos, hää kaia ja kullõlda, et teküt’ tundõ: tulõva aasta om jäl aig tulla... The post Rõõmsa lats laul võro keelen appeared first on UMA Leht.

Nal’apildiga tsuskas ütiskunda mõnõst hellembäst kotussõst Rõugõ Rebäse külä miis Varustini Andres, tunnõt ka nimõga Parm. The post Parm tsuskas: kolmas ilmasõda appeared first on UMA Leht.

3. Väikulatsõ hirmu Väiku latsõ nägevä asjo, midä suurõ inemise ei näe ja millest nä arvo ei saa. Ku lats ütles, et tarõ nukan vai sängü all eläs koll, sis tulõ toda usku. A mis suurõ inemise tegevä? Nakkasõ latsõga pahandama, et kolle ei olõ olõman ja ei massa säänest ulli juttu rohkõmb aia. Targa psühholoogi omma ütelnü, et latsil om nii suur võim asjo vällä mõtõlda, et nä tõõmeeli nakkasõ noid uskma. Sis piät suur inemine hinnäst latsõs mõtlõma ja latsõlõ appi tulõma noist kollest valla saama. Ku lats ei saa api, sis nakkaski pelgämä. Näüde elost. Koton oll’... The post Tundõ läbi elo appeared first on UMA Leht.

Plaani sõita Lätimaalõ Hopa liina, et osta poodist puul pätsi hääd leibä ja kaia, mis munakarp mass. Kõnõldas, et Lätin lastas pia söögikraami käübemassu madalambas ja taha nii poolõ aasta peräst kaia, pall’o sis karp munnõ mass. Tõnõ tsiht om taal sõidul viil: taha hindäle hanki Kürsa Ere vahtsõ luulõraamadu «Aojõgi». Rõugõ vallan om hoovimüügi päiv ja olõ lugõnu, et Ere näütäs tuupäiv Varstun ummi pütülavvamaalõ ja vahtsõt raamatut. Nii et üts tii, kats asja. Lapiteki muudu tii om peris kirändüsline. Ku lasõ vaba käügiga Sännä mäest alla, mõtlõ Jaigi Juhani pääle. Edesi tulõ Adson ja sis Sommeri Lauri. Ka... The post Tsill’okõnõ rändämine müüdä suvist ja tsipa käändligast aojõkõ appeared first on UMA Leht.

Ku mul nakkas söögikraam koton otsa saama, jalota liinan puutõ piten. Kõik aig trehvä umma latsõpõlvõsõpra. Tä kuts minno umma maaelämist kaema. A kõrd om mul mõni tegemine poolõlõ, kõrd lätt meelest är. Ütskõrd õks olõgi tä värte takan. Kats suurt pinni nigu vask’a tulõva mullõ vasta, hindäl kur’a näo pään, ja lõrrasõ. Nä jagava mõttõn, kes must kõgõ parõmba tükü saa. Mul om karmanni tsusat peotäüs ribikontõ. Üteldäs, et kül pini pini är tund. Ja astu sõs nigu president katõ turvamehega tarõ poolõ. No ja istuski mu sõbõr sannatrepi pääl, pääldä kikas põlvi vahel, ja kakk persest sulgi. «Imä... The post Liinamiis Haani mehel külän appeared first on UMA Leht.

Vastas Võro maakunna aasta nuur SAARÕ HIPP. * * * Sinno nimmati Võro maakunna aasta noorõs. Midä taa kittüs Sullõ tähendäs? Seo oll’ kõgõpäält suur üllätüs, mu hindä 25. hällüpääväl anti tuu kätte, pidolikkust ja rõõmu oll’ hulga. Muidoki tähendäs tuu kimmüst, et ma aja õigõt asja, ja õkva umast kodokandist säänest tähelepandmist saia om kõgõ parõmb. Esieränis hää oll’, et sai seo kittüse noorõna ja tõisi nuuri siän, kelle jaos kah vast sama as’a tähtsä omma ku mullõ. Looda olla hää iinkujo. Ma olõ Võromaa iist välän pia egän paigan, kon käü – euroliidu projektest sõpru sünnüpääväpidodõni vällä. Võromaa... The post Saarõ Hipp: kodokandin ummi asju aia om kõgõ lihtsämb appeared first on UMA Leht.

1986. aasta hainakuu edimädsel nädälil tekk’ 248 Võro kandi opilasmalõvlast kokko 1240 tüüpäivä, var’o ala panti 260 tonni hainu, kidsuti 112,4 hektääri põllumaad, keskmäne teenüsk oll’ 5 ruublit ja 86 kopkast. * * * 11. hainakuu pääväl 1987 sündü maailma viiemiljärdendäs elänik. 3.–5. hainakuul oll’ Tal’nah VI koolinuuri tandsupido «Aastatsõõr tandsutsõõrih» ja laulupido «Rahu ja sõprusõ vikatkaar». Tuu ao tundit ja Võro lauljidõ tegemiisi om nätä filmisäädjä Lepä Toomasõ filmih, koh kõnõlõsõ ka Rõugõ 8-klassilidsõ kooli opilasõ ja oppaja Teppo Heli.  * * * 1988. aasta 8. hainakuul kaivõti Vahtsõliinah vällä Vabahussõa mälehtüsmärgis olnu vika saanu soldani pronkskujo tükü. 12.... The post Kaemi üle ola tagasi: hainakuu edimäne puul appeared first on UMA Leht.

Üts sõbõr kõlist’ ja küsse, midä ma tii. «Pikuta,» kostsõ vasta, selle et nii jo oll’gi.  Mõni päiv ildampa kõlist’ tõnõ sõbõr. Jäl sama jutt. Tuu hiitü peris är, et segäsi vai ai mu üles. Ma es nakka tälle ütlemä, et viga ei olõ pikutajan, a kõlistajan. Mille om näil kõigil sääne nõna, et ku ma kõrras pikäle olõ visanu, nakkasõ õkva kõlistama? Olõs sis viil midägi tähtsät kõnõlda. Õnnõs om suur suvi käen ja tuu and suurõmba vabahusõ kah. Esi tiiä, kas pikuta, lää mõtsa siinde vai kohegi tsuklõma. Esiki puhkus om ette nättü. Õnnõgi tuu telefon… Äkki tulnu... The post Esi tiiä, midä suvõl tii! appeared first on UMA Leht.

Mõni päiv inne jaanipäivä tull’ trüküst raamat «Võru keele grammatika». Raamadu autor om keeletiidläne PLADO HELEN, välläandja Võro instituut. No kõnõlõs autor vahtsõst raamatust lähkümpä. * * * Midä tähendas võro keele grammatiga? Vai grammatiga ülepää. Grammatiga tähendäs keele sisemäidsi riiglit, mis juhtva tuud, kuimuudu tetäs keeleh hellest sõnno, sõnnost suurõmbit tervikit ja naist umakõrda lausit. Nii et võro keele grammatikan omma võro keele seeh olõja riigli, mille pääle võro keele ku imäkeele kõnõlõja ei piä mõtlõma, a midä tä kõik aig hindä tiidmäldä pruuk. Tõsõlt puult üldäs grammatikas ka raamatut, mis tuud kõrda seletäs. Midä huvilinõ seost vahtsõst raamatust... The post Grammatigaraamat kaasi vaihõl appeared first on UMA Leht.